ٹھنڈی تپش کی رونمائی بدست جناب طارق کریم صاحب، قونصل جنرل ۔ پاکستان، شکاگو عمل میں آئی.
ڈاکٹر توفیق احمد انصاری صاحب، کی صدارت اور طاہرہ ردا کی نظامت میں ٹھنڈی تپش پر اظہار خیال پیش کیئے گے اور عیدملن مشاعرہ غلام مصطفی انجم صاحب کی صدارت اور پروفیسر احمد عبدالحکیم صاحب کی نظامت میں منعقد ہوا۔
بروزِ ہفتہ پانچ اپریل2025
بزمِ اربابِ سخن کے زیر اہتمام ممتاز اردو شاعر رازرنگونی کے پہلے اردو شعری مجموعہء کلام "ٹھنڈی تپش” کی تقریبِ رونمائی اور عید ملن مشاعرہ شاہی بریانی بنکویٹ ہال ، گلینڈیل ہائٹس میں منعقد ہوا۔
تقریب کی شروعات جناب رشید شیخ صاحب نے تلاوت قرآن پاک سے کی۔ بعد تلاوت محترم راز رنگونی صاحب نے نعت پاک پڑھی۔
بزمِ اربابِ سخن کے بزمِ اربابِ سخن کے چیف آرگنائزر داکٹر افضال الرحٰن افسر نے سلائیڈ پر پریزنٹیشن کے زریعے "ٹھنڈی تپش” اور شاعر کے بارے میں تفصیلات سےآگاہ کیا۔
جناب عابد رشید صاحب ، جناب رشید شیخ صاحب، جناب پروفیسر اقبال نواز صاحب، ڈاکٹر عبدالرحمٰن مامسا صاحب، ڈاکٹر شمیم آزر صاحب اور ڈاکٹر توفیق انصاری احمد صاحب نے ٹھنڈی تپش پر اظہار خیال پیش کیا۔
طارق کریم صاحب نے کہا "ٹھنڈی تپش” شکاگو، امریکہ کے اردو ادب میں ایک اہم اضافہ ہے۔
جلسہ سے خطاب کرتے ہوئے انھوں نے مزید کہا کہ شکاگو امریکہ میں اردو ادب کی خدمت اور فروغ کے لئے بہت کام ہورہا ہے اور راز رنگونی کی "ٹھنڈی تپش”اس سلسلے کی اہم کڑی ہے جو اردو ادب کے فروغ میں ایک سنگِ میل کی حیثیت رکھتی ہے۔
پرفیسر اقبال نواز نے اپنے انگلش خطاب میں "ٹھنڈی تپش” میں موجود مقصدی شاعری کو سراہا اور کہا راز رنگونی نے شکاگو میں مقصدی شاعری کے سلسلے کو آگے بڑھایا ہے۔ ڈاکٹر توفیق احمد انصاری صاحب نے راز رنگونی کی آسان زبان اور کھرے لہجے کو سراہتے ہوئے ان کی غزل و نظم کو وقت کی اہم ضرورت قرار دیا۔
ڈاکڑ شمیم آزر نے راز رنگونی کے معتدل نعتیہ کلاموں کی تعریف کی۔
شاہی بریانی کے لذیذ کھانوں کے بعد بین الرياستی مشاعرے کا انعقاد ہوا مشاعرے کی صدارت غلام مصطفٰی انجم صاحب نے کیء پرفیسر عبدلحکیم نے نظامت کے دوران گاہے بگاہے عربی اشعار اور ان كا منظوم ارو ترجمه پیش کیا۔
ممتاز شعراء نے اپنا کلام سنایا جن میں راشد رحیمی صاحب ، ولی الدین ولی صاحب ، طاہرہ ردا صاحبہ، عابد رشید صاحب ، ڈاکٹر افضال الرحمن افسر صاحب ، رازرنگونی صاحب ، نذر نقوی صاحب ، رشید شیخ صاحب ، پروفیسر اقبال نواز صاحب ، سید سالم صاحب ، ڈاکٹر منیر الزماں منیر صاحب ، ڈاکٹر شمیم آزر صاحب ، ڈاکٹر سلیم تورانیہ صاحب، ڈاکٹر توفیق انصاری احمد صاحب اور غلام مصطفٰی انجم صاحب شامل رہے تمام شعراء کو خواتین و حضرات نے کھل کر داد دی۔
پروگرام کے آخر میں ڈاکٹر افضال الرحمٰن افسر صاحب، اورجناب رازنگونی صاحب نے ہدیہ تشکر پیش کیا اور پروفیسر احمد عبدالحکیم صاحب نے دعا فرمائی۔
ٹھنڈی تپش کے سلسلہ میں منعقدہ تقریب رسم اجراء اور عید ملن مشاعرہ کی ایک خصوصیت یہ تھی کہ شکاگو کے ادبی و سماجی حلقوں کے علاوہ دوسری ریاستوں سے معززین و مدعو عین کی کثیر تعداد نے اس میں شرکت فرماکر اس تقریب کو کامیابی و کامرانی کی منزلوں پر پہنچا دیا-
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
